రవితేజ దగ్గర మూడు లగ్జరీ కార్లు.. విలువ ఎంతో తెలుసా?

మాస్ మహారాజా రవితేజ యాక్టింగ్‌లో ఎక్కడిలేని ఎనర్జీ కనిపిస్తుంది. అద్భుతమైన కామెడీ టైమింగ్ ఉన్న నటనను చూస్తే నీరసం దెబ్బకు పోతుంది. ఎలాంటి బ్యాక్‌గ్రౌండ్ లేకుండా పరిశ్రమలో సత్తా చాటిన నటుడు రవితేజ. ఇడియట్, వెంకీ, కృష్ణ, భద్ర, విక్రమార్కుడు, కిక్ మొదలైన సినిమాల్లో రవితేజ నటన అద్భుతం అని అనకుండా ఉండలేం. ఇటీవల ఫ్లాపులతో సతమతం అవుతున్న ఈ చంటిగాడు.. ఒకప్పుడు భారీ హిట్లతో దూసుకెళ్లాడు. ఫలితంగా అదే రేంజ్‌లో రెమ్యూనరేషన్ కూడా రాబట్టాడు. కర్తవ్యంతో సినిమాల్లోకి ఎంట్రీ ఇచ్చిన రవి తేజ.. 1999, 2002ల్లో స్పెషల్ జ్యూరీ అవార్డ్ గెలుపొందాడు.

జనవరి 26న బర్త్ డే జరుపుకున్న రవితేజ ఆస్తుల విలువ రూ.76 కోట్లు. ఏటా రూ.8.9 కోట్ల చొప్పున ఆర్జిస్తున్నాడు. దాదాపు 60 సినిమాల్లో నటించిన రవితేజ దగ్గర లగ్జరీ కార్లు, ఖరీదైన ఇల్లు ఉన్నాయి.

రవితేజ దగ్గరున్న రేంజ్ రోవర్ ఎవోక్ విలువ రూ.63.82 లక్షలు.

రూ.1.24 కోట్ల విలువైన బీఎండబ్ల్యూ ఎం6 కారు కూడా రవితేజ సొంతం.

రూ.2.43 కోట్ల విలువైన మెర్సిడెస్ బెంజ్ ఎస్-క్లాస్ కారు కూడా ఈ హీరో దగ్గరుంది.

2018లో రవితేజ నటించిన నేల టికెట్, టచ్ చేసి చూడు, అమర్ అక్బర్ ఆంటోనీ చిత్రాలు రిలీజైనా.. అవేవీ బాక్సాఫీస్ దగ్గర ఆకట్టుకోలేదు. ‘డిస్కో రాజా’తో మన ముందుకొస్తున్న ఈసారి హిట్ కొట్టాలని కోరుకుందాం.