మహిళా డైరెక్టర్ మూవీలో కలెక్షన్ కింగ్ కి ఆఫర్ ఏమిటో తెలుసా?
విలక్షణ నటుడిగా మంచి పేరు గల కలెక్షన్ కింగ్ మోహన్ బాబు టాలీవుడ్‌లో తనకంటూ ప్రత్యేక ఇమేజ్‌ని సొంతం చేసుకున్నాడు. విలన్‌గా, హీరోగా పలు విజయవంతమైన చిత్రాల్లో నటించిన మోహన్ బాబు తన కొడుకులిద్దరినీ,కూతురు లక్ష్మిని కూడా ఇండస్ట్రీకి తీసుకొచ్చారు. అయితే ఈయన మాత్రం ఈ మధ్య కాలంలో సినిమాలకు కాస్త గ్యాప్ ఇచ్చిన పొలిటికల్ టర్న్ తీసుకున్నారు. మొన్నటి ఎన్నికల ముందు జగన్ పార్టీలో చేరిన ఆయన పొలిటికల్ అవతారం ఎత్తారు. ఇక ఆయనకు జగన్ కీలకమైన నామినేటెడ్ పోస్ట్ ఇవ్వబోతున్నారని జోరుగా ప్రచారం నడుస్తోంది. అంతేకాదు రాజకీయాలతో పాటు సినిమాల్లోనూ సత్తా చాటేందుకు మోహన్ బాబు ప్లాన్ చేస్తున్నారు.
తాజాగా సూర్య సినిమాలో మోహన్ బాబు విలన్ గా కనిపించబోతున్నారు. ‘గురు’ (ఇరుది సుట్రు) చిత్రంతో దర్శకురాలుగా సత్తా చాటిని మణిరత్నం శిష్యురాలు సుధ కొంగర.. లాంగ్ గ్యాప్ తరువాత సూర్య హీరోగా ‘సూరరై పోట్రు’ అనే చిత్రాన్ని రూపొందిస్తున్నారు. ఈ చిత్రంలో విలన్ గా చేయడానికి మోహన్ బాబు ఒకే చెప్పినట్లు వార్తలు వస్తున్నాయి. అయితే మోహన్ బాబు 44 ఏళ్ల నటజీవితంలో ఓ మహిళా దర్శకురాలుతో పనిచేయడం ఇది రెండోసారి.
అప్పట్లో విజయ నిర్మల దర్శకత్వంలో , ఇప్పుడు మళ్లీ 40 ఏళ్ల తరువాత సుధ కొంగరతో పనిచేస్తున్నారు.ఇప్పటికే ఈ సినిమా షూటింగ్ సగం పూర్తి కాగా, మోహన్ బాబు కాంబినేషన్ షాట్స్‌ను ప్రస్తుతం చిత్రీకరించనున్నారు. ఇప్పటికే మోహన్ బాబు ఈ సినిమా షూటింగ్ నిమిత్తం చెన్నైకి పయనమయ్యారు. ఇండియన్ ఆర్మీ మాజీ కెప్టెన్, ఎయిర్ డెక్కన్ వ్యవస్థాపకుడు అయిన వ్యాపారవేత్త జీఆర్ గోపీనాథ్ జీవిత కథ ఆధారంగా ఈ సినిమాను తెరకెక్కించనున్నట్లు వార్తలు వస్తున్నాయి. ఇది సూర్యకు 38వ సినిమా. ఇక ఆయన సొంతంగా ఈ మూవీ నిర్మాణం చేస్తున్నారు.