అశోక చక్రం: 24 ఆకులకు ఒక్కో అర్థం…ఆచరిస్తే అద్భుతాలు

అశోక చక్రంలో ఉన్న 24 ఆకులకు తగిన భావాలున్నాయి. ప్రతి వ్యక్తి నిర్వర్తించాల్సిన విధుల గురించి ఇవి చెబుతాయి. అందువల్ల దీన్ని ‘విధుల చక్రం’గానూ పేర్కొంటారు. ప్రతి మనిషికి తప్పనిసరిగా ఉండాల్సిన 24 రకాల లక్షణాల గురించి ఇది వివరిస్తుంది. 
అశోక చక్రంలోని 24 ఆకులు బోధించే భావాలు.. 

1) Chastity: పవిత్రంగా ఉండటం (అతి సాధారణంగా సద్వర్తనతో జీవితాన్ని గడపడం) 

2) Health: ఆరోగ్యం (శారీరకంగా, మానసికంగా ఆరోగ్యంగా, దృఢంగా ఉండటం) 

3) Peace: శాంతి (దేశంలోని ప్రతి పౌరుడితో శాంతి, సామరస్యంతో మెలగడం)

 4) Sacrifice: త్యాగం (దేశం కోసం, సమాజం కోసం ఎలాంటి త్యాగానికైనా సిద్ధంగా ఉండటం) 

5) Morality: నైతికత (వ్యక్తిగత, వృత్తిగత జీవితంలో ఉన్నత విలువలతో ఉండటం)

 6) Service: సేవా భావం (దేశం కోసం, సమాజం కోసం సేవ చేయడానికి సర్వ సిద్ధంగా ఉండటం) 

7) Forgiveness: క్షమాగుణం (మనుషుల పట్ల, జీవుల పట్ల అచంచలమైన క్షమాగుణం కలిగి ఉండటం) 

8) Love: ప్రేమ (దేశం పట్ల, దేవుడి సృష్టిలోని ప్రతి జీవి పట్ల ప్రేమ కల్గి ఉండటం) 

9) Friendship: స్నేహభావం (పౌరులందరితో సుహృద్భావ సంబంధం కల్గి ఉండటం)

 10) Fraternity: సౌభ్రాతృత్వం (దేశ పౌరులందరితో సోదరభావంతో మెలగడం)

 11) Organization: నిర్మాణం (దేశ ఐక్యత, సమగ్రతను బలోపేతం చేయడం) 

12) Welfare: సంక్షేమం (సమాజానికి, దేశానికి మేలు చేసే కార్యక్రమాల్లో పాల్గొనడం) 

13) Prosperity: శ్రేయస్సు (దేశానికి ఆనందం, సంపదతో కూడిన అన్ని రకాల అభివృద్ధి సమకూరడం కోసం పాటుపడటం) 

14) Industry: పరిశ్రమ (పారిశ్రామిక పురోగతికి సాయపడటం)

15) Safety: భద్రత (దేశ రక్షణ కోసం సదా సర్వ సన్నద్ధంగా ఉండటం) 

16) Awareness: జ్ఞానం (వాస్తవాలకు సంబంధించి అవగాహన కల్గి ఉండటం, పుకార్లను నమ్మకపోవడం) 

17) Equality: సమానత్వం (సమానత్వ ప్రాతిపదికన సమాజ నిర్మాణానికి కృషి చేయడం)

 18) Artha: ఆర్థిక పరిజ్ఞానం (డబ్బును ఉత్తమంగా వినియోగించే తెలివి/ నేర్పు కల్గి ఉండటం) 

19) Policy: విధానం (దేశం నిర్మించిన విధానంపై విశ్వాసం కల్గి ఉండటం) 

20) Justice: న్యాయం (అందరికీ న్యాయం గురించి కృషి చేయడం) 

21) Co-operation: సహకారం (పరస్పరం కలిసిమెలసి పనిచేయడం) 

22) Duties: విధులు (ప్రతి ఒక్కరూ తమ విధులను నిజాయతీగా నిర్వర్తించడం) 

23) Rights: హక్కులు (ప్రతి పౌరుడు తన హక్కులను సక్రమంగా వినియోగించడం, దుర్వినియోగం చేయకపోవడం) 

24) Wisdom: వివేకం (సందర్భానికి తగినట్టు వ్యవహరించే వివేచన, పుస్తకాల్లో చెప్పని జ్ఞానం కలిగి ఉండటం)