లీడర్ భామ రీచా గంగోపాధ్యాయ ఎవరిని పెళ్లి చేసుకుందో తెలుసా?
రానా డెబ్యూ చిత్రం ‘లీడర్’తో డెబ్యూ చేసిన ముద్దుగుమ్మ రీచా గంగోపాధ్యాయకు పెళ్లయిపోయిందట. ‘లీడర్’ తర్వాత ప్రబాస్‌తో ‘మిర్చి’, రవితేజతో ‘సారొచ్చారు’, ‘మిరపకాయ్‌’, నాగార్జునతో ‘భాయ్‌’ తదితర చిత్రాల్లో నటించింది ఈ ముద్దుగుమ్మ. ఆ తర్వాత పై చదువుల నిమిత్తం విదేశాలకు చెక్కేసింది. అప్పుడప్పుడూ సోషల్‌ మీడియాలో ఫ్యాన్స్‌తో టచ్‌లో ఉండే ఈ ముద్దుగుమ్మ సడెన్‌గా పెళ్లికూతురిలా దర్శనమిచ్చింది. గత కొంత కాలంగా ఓ అమెరికా అబ్బాయ్‌తో లవ్‌లో ఉందట. ఆయన పేరు జోకు అని తెలుస్తోంది. ప్రేమ ముదిరి పాకాన పడి పెళ్లి వరకూ చేరిందట. అయితే, పెళ్లి వార్తను సీక్రెట్‌గా ఉంచింది ఎందుకో ఈ బొద్దుగుమ్మ.
అత్యంత సన్నిహితులు, కుటుంబ సభ్యుల మధ్య రీచా వివాహం చాలా గోప్యంగా జరిగిపోయింది. నెట్టింట్లో రీచా పెళ్లి ఫోటోలు దర్శనమిస్తే కానీ, ఆమెకు పెళ్లయ్యిందన్న సంగతి బయట పడలేదు. అయితే, నిజంగానే రీచా పెళ్లి చేసుకుందా.? ఏమో ఈ అందాల భామ స్వయంగా కన్‌ఫామ్‌ చేస్తే కానీ నమ్మలేం. ఇకపోతే, ‘భాయ్‌’ సినిమా తర్వాత రీచా మళ్లీ సినిమాల్లో కనిపించలేదు. చాలాసార్లు రీచా గంగోపాధ్యాయ్‌ మళ్లీ వస్తుందట.. అనే వార్తలు వినిపించాయి. కానీ, ఎందుకో ఈ అమ్మడికి నటనపై అంతగా ఆసక్తి ఉన్నట్లు కనిపించలేదు. మంచి అవకాశాలొచ్చినా, చదువు పేరు చెప్పి సున్నితంగా తిరస్కరిస్తూ వచ్చింది.