రష్మీ సినిమా అవకాశాల కోసం ఎన్ని కష్టాలు పడిందో తెలిస్తే షాక్ అవుతారు
ఒకప్పుడు ఒక్క అవకాశం అంటూ చెప్పులరిగేలా తిరిగిన జబర్దస్త్ బ్యూటీ రష్మి గౌతమ్ టివి యాంకర్ గానే కాదు, సినిమాల్లో కూడా క్రేజ్ తెచ్చుకుంది ఈమె. సినిమాల్లో ఏ ఆఫర్ వచ్చినా కూడా కాదనకుండా చేస్తానని చేసేస్తోంది ఈ అమ్మడు. నిజానికి ఒకప్పుడు దర్శక రత్న దాసరి నారాయణరావు లాంటి దర్శకుడి సినిమాలో నటించిన తర్వాత కూడా రష్మిని తెలుగు దర్శక నిర్మాతలు పట్టించుకోకపోవడంతో 10 ఏళ్ల పాటు నరకం చూసింది. ఏ ఆఫీస్ పడితే ఆ ఆఫీస్‌కు వెళ్లి ఫోటోలు ఇవ్వడమే కాకుండా ఆడిషన్స్ కూడా చేసింది. హోలీ, కరెంట్ లాంటి సినిమాల్లో నటించినా రష్మికి పెద్దగా గుర్తింపు రాలేదు. అలాంటి సమయంలో ఆమెకు అనుకోకుండా జబర్దస్త్ కామెడీ షోలో హోస్టింగ్ చేసే ఛాన్స్ దక్కింది.
ఇంకా చెప్పాలంటే, అనసూయ గర్భం దాల్చడంతో కొన్ని వారాల పాటు ఆమె తప్పుకోవడంతో రష్మికి జబర్దస్త్ ఆఫర్ కలిసొచ్చింది. అలా జబర్దస్త్ కామెడీ షోలో ఎంట్రీ ఇచ్చిన తర్వాత తెలుగు ప్రేక్షకులకు అందరికీ పరిచయం అయిపోయింది. అలా ఆమె హవా ఇంకా కొనసాగుతూనే ఉంది. జబర్దస్త్ షోలో హీరోయిన్లకు ఏ మాత్రం తీసిపోని విధంగా హాట్ ఫోజులతో ఈ ముద్దుగుమ్మ దూసుకెళ్తోంది. ఆ తర్వాత అనసూయ రీ ఎంట్రీ ఇచ్చినా కూడా అప్పటికే రష్మీ పాతుకుపోయింది. సుడిగాలి సుధీర్‌తో ఈమె కెమిస్ట్రీ కూడా ఆడియన్స్ కి మరింత దగ్గరయ్యేలా చేసింది.
రష్మి తెలుగులో నటించిన తర్వాత అప్పట్లో ఓ తమిళ సినిమాలో కూడా చేసింది. ఆ సినిమాలో రొమాంటిక్ సీన్స్ కూడా చాలానే ఉన్నాయి. అయినా కూడా ఆమెకు అక్కడ గుర్తింపు రాలేదు. వరసగా హీరోయిన్ స్నేహితురాలి పాత్రల్లో నటించిన ఈ ముద్దుగుమ్మ జబర్దస్త్ తర్వాత హీరోయిన్‌గా ప్రమోషన్ అందుకుంది. అప్పట్నుంచి డబ్బులకే తన ప్రాముఖ్యత అని చెప్పింది. తనకు హీరోయిన్ అవకాశాలు వచ్చినపుడు నటించడంలో తప్పేమిటని ఈ బ్యూటీ ప్రశ్నిస్తోంది. డబ్బులు వస్తున్నపుడు గ్లామర్ షో చేయడంలో తప్పేం లేదని కూడా ధైర్యంగా చెప్పే ఈ అమ్మడు సోషల్ మీడియాలో కూడా గట్టిగానే సమాధానాలు ఇస్తోంది.