మెగాస్టార్ అర్జునుడిగా నటించిన సినిమా ఉందని మీకు తెలుసా ?
స్వయంకృషితో మెగాస్టార్ గా ఎదిగిన చిరంజీవి తన కెరీర్‌లో ఎన్నో సూపర్ డూపర్ హిట్ మూవీస్ చేసాడు. చేసిన సినిమాల్లో దాదాపు అన్ని సాంఘిక చిత్రాలే. కెరీర్ మొత్తంలో చూస్తే,శ్రీ మంజునాథ సినిమాలో మాత్రమే పౌరాణిక సినిమా గా చెప్పొచ్చు అందులో శివుడుగా అదరగొట్టాడు. దర్శకేంద్రుడు కె రాఘవేంద్రరావు శివతత్వాన్ని ప్రతిపాదిస్తూ తీసిన ఈ చిత్రంలో చిరంజీవి శ్రీమంజునాథుడైన శివుడి పాత్రలో అద్భుత అభినయం తో సెహబాష్ అనిపించుకున్నాడు.
అటు జానపద సినిమా విషయానికొస్తే.. శివుడు శివుడు శివుడు సినిమాను కాస్త రాజుల కాలం నాటి జానపద సినిమా అని చెప్పొచ్చు. ఇక ఇన్నేళ్ల కెరీర్‌లో తొలిసారి చారిత్రక యోధుడైన ఉయ్యాలవాడ నరసింహారెడ్డి పాత్రను ‘సైరా నరసింహారెడ్డి’ చిత్రంలో పోషించి మెప్పించాడు. కానీ చిరంజీవి తన సినీ జీవితంలో రామాయణం, మహాభారతంలోని ఏ పాత్ర పోషించే ఛాన్స్ రాలేదు. చేయలేదు. కానీ చిరంజీవి భవిష్యత్తులో రామాయణం, మహాభారతంలోని ఏదైనా పాత్ర పోషిస్తే.. చూడాలనుకునే అభిమానులు చాలామందే ఉన్నారు.
అయితే ఓ సినిమాలో భాగంగా అర్జునుడి వేషం వేసి మెప్పించాడని చాలామందికి తెలీదు. అవును టి సుబ్బరామిరెడ్డి ప్రొడ్యూసర్ గా తీసిన భారీ మూవీ ‘స్టేట్ రౌడీ’ ని బి.గోపాల్ డైరెక్ట్ చేసాడు. అందులో గయోపాఖ్యానం ఉంటుంది. అందులో చిరంజీవి అర్జునుడి వేషం వేస్తే.. నూతన్ ప్రసాద్ శ్రీకృష్ణుడి గా, ఇక గయుడి పాత్రలో రావు గోపాల రావు నటించారు. కేవలం ఐదు నిమిషాల సన్నివేశం అద్బుతంగా నడుస్తుంది. ఇక అర్జునుడి వేషంలో ఆగికంగా కానీ వాచకంగా కానీ మెగాస్టార్ అద్భుతాభినయం చేసాడని చెప్పాలి. ఈ సినిమా ఓ మోస్తరు విజయాన్ని సాధించింది.