హీరోయిన్ రాధ గుర్తు ఉందా…ఆమె ఇప్పుడు ఏమి చేస్తుందో తెలుసా?
ఎనభైల్లో ఎంతోమంది కుర్రకారుకు హాట్ ఫేవరేట్ హీరోయిన్ రాధ. ఈరోజు ఆమె పుట్టినరోజు. జూన్ 3, 1965న కేరళ తిరువనంతపురం జిల్లాలో జన్మించిన రాధ అసలు పేరు ఉదయ చంద్రిక. తెలుగు, తమిళ, కన్నడ, మలయాళ, హిందీ భాషల్లో నటించిన రాధ.. అప్పట్లో స్టార్ హీరోయిన్ గా రాణించింది. 1991లో రాజశేఖరన్ నాయర్ ని వివాహమాడిన రాధకి ఇద్దరు కూతుర్లు, ఒక కొడుకు. రాధ పెద్ద కూతురు కార్తిక ‘జోష్’ చిత్రంతో తెలుగులోనే హీరోయిన్ గా పరిచయం అయింది.
చిన్నకూతురు తులసి మణిరత్నం తీసిన ‘కడలి’తో హీరోయిన్ గా పరిచయమైంది. ఈ ఇద్దరు హీరోయిన్స్ గా సక్సెస్ అవలేకపోయారు. ముంబైతో పాటు కేరళలో రెస్టారెంట్ బిజినెస్ నిర్వహిస్తున్నారు రాధ. ఒకప్పటి హీరోయిన్స్ అంతా రీఎంట్రీ ఇస్తున్న క్రమంలో రాధ కూడా రీఎంట్రీ ఇవ్వాలని ఆశిస్తున్నారు ఆమె అభిమానులు. అయితే రాధ ప్రస్తుతం సినిమాలకు దూరంగా ఉంది.