వైవా హర్ష నిశ్చితార్థ వేడుక…కాబోయే భార్య ఎవరో తెలుసా?

viva harsha engagement :ఒకప్పుడు సినిమాలే ఇంటిపేర్లుగా మారిపోయేవి. ప్రస్తుత కాలంలో బుల్లితెర అలాగే డిజిటల్ మీడియాలో ఏదైనా క్లిక్ అయితే చాలు ఆటోమేటిక్ గా ఇంటిపేరు అదే అవుతోంది. ఇందుకు నిదర్శనం వైవా హర్ష . అవును ఇప్పుడు షార్ట్ ఫిలిమ్స్ హవా కూడా నడుస్తున్నందున వైవా అనే షార్ట్ ఫిలింతో తెలుగు రాష్ట్రాల్లో హర్ష తనకంటూ ఓ ఇమేజ్ తెచ్చుకున్నాడు. ఇతడికి సోషల్ మీడియాలో కూడా ఫాలోయింగ్ ఎక్కువే ఉంది.

ఇక వైవా హర్ష గా పాపులరవ్వడమే కాదు, షార్ట్ ఫిలిమ్స్, వెబ్ సిరీస్ లతో పాటు సినిమాల్లో కూడా ఛాన్స్ లొస్తున్నాయి. కలర్ ఫోటో మూవీలో హర్ష కమెడియన్ గా నటించాడు. ఈ మూవీ గతేడాది ఆహా ఓటీటీలో విడుదలైన బ్లాక్ బస్టర్ హిట్ కావడం మరింత పాజిటివ్ గా మారింది. ఇక బ్యాచిలర్ గా ఉన్న హర్షకు పెళ్లి ఫిక్స్ కావడంతో పాటు నిశ్చితార్థ వేడుక కూడా ఘనంగా చేసారు. యితడు పెళ్లి చేసుకోబోయే అమ్మాయి అక్షర అని టాక్ .

హర్ష ఫేస్ బుక్ స్టోరీస్ లో నిశ్చితార్ధం పిక్స్ పెట్టడంతో తెగ వైరల్ అవుతున్నాయి. నిశ్చితార్థ వేడుకలో కాబోయే వైఫ్ మెడలో దండ వేయడం, జంటగా కేక్ కట్ చేయడం వంటి ఫోటోలు చూసి పలువురు విషెస్ చెబుతున్నారు. అయితే మొన్న నే పెళ్లిళ్ల సీజన్ ముగియడం, మూఢం రావడంతో మే వరకూ ముహుర్తాలు లేవు. దీంతో మే 14తరువాత మంచి మూహుర్తాలు ఉన్నందున అప్పటిదాకా ఆగక తప్పదని అంటున్నారు.