యమదొంగ హీరోయిన్ గుర్తు ఉందా…ఇప్పుడు ఏమి చేస్తుందో తెలుసా?

Telugu Actress Mamta Mohandas :దర్శక ధీరుడు ఎస్ ఎస్ రాజమౌళి డైరెక్షన్ లో జూనియర్ ఎన్టీఆర్ ని యంగ్ టైగర్ గా మార్చిన చిత్రం యమదొంగ. కొత్త లుక్ తో తారక్ మెరిసిన ఈ సినిమాలో మమతా మోహన్ దాస్, కూడా హీరోయిన్ గా చేసింది. ప్రియమణి తో పాటు ఈమె కూడా నటించి మెప్పించింది. హీరోయిన్ గానే కాదు, సింగర్ గా కూడా టాలీవుడ్ లో సత్తా చాటిన అందాల భామ మమతా మోహన్ దాస్ పలు సినిమాల్లో చేసినప్పటికీ, ఆఖరిగా తెలుగులో కేడీ సినిమాలో నాగార్జునకి జోడీగా నటించింది.

ఆతర్వాత టాలీవుడ్ కి దూరమైన ఈ మలయాళీ భామ కెరీర్ పీక్ స్టేజ్ లో ఉండగానే పెళ్లి చేసుకొని సెటిల్ అయ్యే సమయంలో క్యాన్సర్ బారిన పడి, మొత్తానికి దానిని జయించింది. అదే సమయంలో భర్తతో విడాకులు కూడా తీసుకొని మళ్ళీ మాతృభాషలో నటిగా రీఎంట్రీ ఇచ్చి, వరుస సినిమాలు చేస్తుంది.

దాదాపు పుష్కర కాలం తర్వాత ఇప్పుడు టాలీవుడ్ లో మమతామోహన్ దాస్ రీ ఎంట్రీ ఇస్తోంది. అయితే అది నేరుగా తెలుగు సినిమా కాదు. కోలీవుడ్ లో విశాల్, ఆర్య కాంబినేషన్ లో తెరకెక్కుతున్న ఎనిమీ సినిమాలో ఈమె ఒక హీరోయిన్ గా చేస్తోంది. దాంతో పాటు ప్రభుదేవా దర్శకత్వంలో తెరకెక్కుతున్న బైలింగ్వల్ సినిమాలో కూడా హీరోయిన్ గా కమిట్ అయింది. ఇది విజయం సాధిస్తే, తెలుగు, తమిళ్ బాషలలో మళ్ళీ బిజీగా మారే ఛాన్స్ ఉందని టాక్.