ఈ వయస్సులో హీరోయిన్ గా నటిస్తున్న శ్రీ లక్ష్మి…హీరో ఎవరంటే….

senior lady comedian srilakshmi movie :కామెడీ పండించడంలో కొందరు సిద్ధహస్తులు ఉంటారు. ఇప్పటికీ కొన్ని చానల్స్ లో వెటకారంగా చూపించాలంటే, ” బాబూ .. చిట్టీ ” అంటూ కమెడియన్ శ్రీలక్ష్మిని చూపిస్తూ కట్ బిట్స్ వేస్తుంటారు. అంతగా ఆమె కామెడీలో పండిపోయింది.అప్పట్లో రమాప్రభ ఓ తరహా కామెడీతో అలరిస్తే, తర్వాత లేడీ కమెడియన్ గా శ్రీలక్ష్మి తిరుగులేని ఇమేజ్ తెచ్చుకుంది. ముఖ్యంగా జంధ్యాల సినిమా అంటే శ్రీలక్ష్మి కామెడీ మార్క్ అదిరిపోయేది. రానురాను సినిమా పరిశ్రమలో వచ్చిన మార్పులు, తనకు తగ్గ స్థాయిలో పాత్రలు రాకపోవడం వంటి కారణాల వలన శ్రీలక్ష్మి కొంతకాలం ఇండస్ట్రీకి దూరమైంది.

అయితే ఈ మధ్యకాలంలో రీఎంట్రీ ఇచ్చి బామ్మ పాత్రలు చేయడానికి కూడా సై అంటోంది. దీంతో ఈమె గురించి ఓ వార్త వైరల్ అవుతోంది. నిజానికి ఆరోజుల్లో నవలల పిచ్చి , మితిమీరిన దైవభక్తి ,కొత్త కొత్త వంటల ప్రయోగాలు చేసే ఆడవాళ్లు ఎలా ఉంటారో శ్రీ లక్ష్మి పాత్రతో జంధ్యాల తన సినిమాలలో అతికిపోయేలా చూపించేవారు. అందుకే స్టార్ కమెడియన్స్ తో సమానంగా ఆమె సినిమాలో హాస్యాన్ని పండించేది. ఇప్పుడు ఆలాంటి రోల్స్ రావడం లేదు. హాస్యం రూటే మారిపోయింది.

ఇక శ్రీలక్ష్మి మెయిన్ లీడ్ లో ఒక సినిమా చేస్తోంది. నిజంగా ఈ సినిమా షూటింగ్ ప్రారంభోత్సవం కూడా అయింది. త్వరలో సెట్స్ పైకి వెళ్లే ఈ మూవీకి సావిత్రి వైఫ్ ఆఫ్ సత్యమూర్తి అనే టైటిల్ పెట్టారట. ఆమె టైటిల్ రోల్ లో చేస్తోంది. ఇందులో “కేరింత ఫేం పార్వతీశం” ఆమెకి జోడీగా నటిస్తున్నాడు. చైతన్య కొండ ఈ సినిమాతో దర్శకుడుగా ఎంట్రీ ఇస్తున్నాడు. ఈ సినిమాతో నరేంద్ర అనే వ్యక్తి నిర్మాతగా ఇండస్ట్రీకి వస్తున్నాడు. ఒక అరవై ఏళ్ల మహిళకి 25 ఏళ్ల యువకుడు భర్త ఎలా అయ్యాడనే కాన్సెప్ట్ తో హాస్యం జోడించి కథను సిద్ధం చేసుకున్నాడు.