సంక్రాంతికి వచ్చి బాక్స్ ఆఫీస్ ని షేక్ చేసిన వెంకీ సినిమాలు ఎన్ని…?

Tollywood Hero Venkatesh : మూవీ మొఘల్ డాక్టర్ డి రామానాయుడు తనయుడిగా ఇండస్ట్రీలోకి వచ్చిన వెంకటేష్ విభిన్న సినిమాలతో హిట్స్ కొడుతూ విక్టరీ వెంకటేష్ అయ్యాడు. ఇక సంక్రాంతి వచ్చిందంటే వెంకీ సినిమాలు రిలీజవుతుంటాయి. అలా ఇప్పటిదాకా 15మూవీస్ వచ్చాయి. లేటెస్ట్ గా 2019సంక్రాంతికి ఎఫ్ 2మూవీ వచ్చి సూపర్ హిట్ గా నిల్చింది. బి గోపాల్ డైరెక్షన్ లో 1988లో రక్తతిలకం మూవీ రిలీజయింది. కమర్షియల్ హిట్ సాధించి, షిఫ్ట్ ల మీద 5సెంటర్స్ లో 100డేస్ ఆడింది. 1989జనవరి 12న ప్రేమ మూవీ రిలీజయింది. బెస్ట్ యాక్టర్ గా వెంకటేష్ కి నంది అవార్డు తెచ్చిన ఈమూవీ ఎబో ఎవరేజ్ అయింది.

ఇక1991జనవరి 2న కోడి రామకృష్ణ డైరెక్షన్ లో వచ్చిన శత్రువు మూవీ మంచి విజయాన్ని అందుకుంది. విజయశాంతి హీరోయిన్ గా చేసింది. అమాయకుడైన యువకుని పాత్రలో వెంకటేష్ నటించిన చంటి మూవీ 1992జనవరిలో విడుదలైంది. రవిరాజా పినిశెట్టి డైరెక్ట్ చేసిన ఈ మూవీ కి ఇళయరాజా సంగీతం అందించారు. మీనా హీరోయిన్ గా చేసింది. వెంకీకి తొలి ఇండస్ట్రీ హిట్ మూవీ ఇది.

1995సంక్రాంతికి కోదండరామిరెడ్డి డైరెక్షన్ లో వచ్చిన పోకిరిరాజా మూవీ లో వెంకీ డ్యూయల్ రోల్ చేయగా, రోజా హీరోయిన్. అయితే ఈ మూవీ పెద్దగా ఆకట్టుకోలేదు. 1996జనవరి 13న వచ్చిన ధర్మచక్రం మూవీ ని సురేష్ కృష్ణ డైరెక్ట్ చేసాడు. 19సెంటర్స్ లో 100డేస్ ఆడింది. కె విశ్వనాధ్ దర్శకత్వంలో వచ్చిన చిన్నబ్బాయి మూవీ1997జనవరిలో రిలీజయింది . వెంకీ సరసన రవళి,రమ్యకృష్ణ నటించారు. ఇళయరాజా మ్యూజిక్ అందించిన ఈ మూవీ డిజాస్టర్ గా అయింది.

వెంకీ కేరీర్ లో రికార్డు కలెక్షన్స్ తో ఇండస్ట్రీ హిట్ గా నిలిచిన కలిసుందాం రా మూవీ 2000జనవరి 14న రిలీజయింది. ఉదయ శంకర్ డైరెక్ట్ చేయగా, సిమ్రాన్ హీరోయిన్. కోడి రామకృష్ణ డైరెక్షన్ లో దేవి పుత్రుడు మూవీ లో సౌందర్య హీరోయిన్. అయితే సినిమా ఆకట్టుకోలేదు. 2006సంక్రాంతి కానుకగా వివి వినాయక్ డైరెక్షన్ లో వచ్చిన లక్ష్మి మూవీ లో నయనతార హీరోయిన్. ఈ మూవీ బ్లాక్ బస్టర్ అయింది. 2010లో నమో వేంకటేశ మూవీ రిలీజయింది.శ్రీను వైట్ల దర్శకత్వంలో వచ్చిన ఈ మూవీలో త్రిష హీరోయిన్.

బాక్సాఫీస్ దగ్గర 40కోట్లు కలెక్ట్ చేసి, హిట్ గా నిల్చింది. త్రిషతో కల్సి వెంకీ నటించిన మరో మూవీ బాడీగార్డ్ 2012జనవరి 14న రిలీజయింది. ఇందులో పాటలు ఆకట్టుకున్నాయి వెంకీ, సూపర్ స్టార్ మహేష్ బాబు నటించిన సీతమ్మ వాకిట్లో సిరిమల్లె చెట్టు మూవీ 2013జనవరిలో రిలీజై, మంచి విజయాన్ని అందుకుంది. పవర్ స్టార్ పవన్ కళ్యాణ్ తో కల్సి వెంకీ నటించిన గోపాల గోపాల మూవీ 2015జనవరి 10రిలీజై, ఓపెనింగ్స్ అదరగొట్టి, లాంగ్ రన్ లో ఏవరేజ్ అయింది. అనిల్ రావిపూడి డైరెక్షన్ లో వరుణ్ తేజ్ తో కల్సి వెంకీ నటించిన ఎఫ్ 2మూవీ 2019జనవరి 12న రిలీజై ,వెంకీ కెరీర్ లో హయ్యస్ట్ గ్రాసర్ గా నిల్చింది.