సూపర్ స్టార్ కృష్ణ సంవత్సరానికి ఎన్ని సినిమాలు చేసారో తెలుసా ?

Tollywood star hero super star krishna : టాలీవుడ్ లో డేరింగ్ అండ్ డాషింగ్ హీరోగా నిల్చిన సూపర్ స్టార్ కృష్ణ ఇండస్ట్రీలో ఎన్నో సాంకేతిక మార్పులు తెచ్చారు. స్కోప్,70ఎం ఎం,6ట్రాక్ స్టీరియో ఇలా ఎన్నో టాలీవుడ్ కి పరిచయం చేసిన ఘనత కృష్ణదే. ఆదుర్తి సుబ్బారావు తీసిన తేనెమనసులు మూవీతో హీరోగా కృష్ణ ఎంట్రీ ఇచ్చారు. 2010 వరకూ సినిమాలు చేసిన కృష్ణ ప్రస్తుతం ఇంటికి పరిమితం అయ్యారు. ఆయన వారసుడిగా మహేష్ బాబు సూపర్ స్టార్ గా కొనసాగుతూ వరుస విజయాలు అందుకుంటున్నాడు.

కౌబాయ్,గూఢచారి, జేమ్స్ బ్యాండ్ సినిమాలతో పాటు, అల్లూరి సీతారామరాజు వంటి హిస్టారికల్ మూవీ కృష్ణ చేసారు. అప్పట్లో కృష్ణ ఏడాదికి ఎక్కువగానే సినిమాలు చేసేవారు. ఒక థియేటర్ లో కృష్ణ సినిమా ఆడుతుంటే, మర్నాడే మరో సినిమా వచ్చేసేది. ఇక పద్మాలయ స్టూడియో నిర్మించి సొంతంగా ఎన్నో సినిమాలు తీశారు. డైరెక్టర్ గా కూడా ఎంట్రీ ఇచ్చిన కృష్ణ తెలుగులో తాను నటిస్తూ, హిందీలో జితేంద్ర హీరోగా పెట్టి ఏకకాలంలో సింహాసనం సినిమా తెరకెక్కించారు.

ఒక ఏడాది అయితే కృష్ణ ఏకంగా 22 మూవీస్ చేసారు. అందులో 18సినిమాలు ఒక ఏడాదే రిలీజయ్యాయి. ఒకవేళ సినిమా దెబ్బతింటే కృష్ణ ఆదుకున్న సందర్భాలు ఎన్నో ఉన్నాయి. ఈవిషయాలను మేకప్ మ్యాన్ మాధవరావు ఇటీవల ఓ మీడియాకు ఇచ్చిన ఇంటర్యూలో వెల్లడించారు. రోజుకి 3షిఫ్ట్ లు పనిచేస్తూ కష్టపడ్డారని, కృష్ణ,విజయ నిర్మలతో కల్సి ఎక్కడికి వెళ్లినా,అక్కడ కృష్ణ గారి సినిమా పోస్టర్స్ కన్పించేవని వివరించారు. మొత్తం మీద కృష్ణ 340మూవీస్ లో చేసారు.