చిరంజీవి,విజయశాంతి కలిసి నటించిన సినిమాలు ఎన్నో తెలుసా?

chiranjeevi vijayashanti movies :తెలుగు సినిమా రంగంలో కొందరి కాంబినేషన్ హిట్ ఫెయిర్ గా నిలుస్తుంది. అందులో మెగాస్టార్ చిరంజీవి,లేడి సూపర్ స్టార్ విజయశాంతి కాంబినేషన్ అంటే ఒకప్పుడు అభిమానులకే కాదు సినీ రంగంలో కూడా పండగలా ఉండేది. వీరిద్దరి జోడిలో 19సినిమాలు వచ్చాయి.

వీరిద్దరికీ గల క్రేజ్ అలాంటిది. స్టార్ ప్రొడ్యూసర్ డాక్టర్ డి రామానాయుడు తీసిన సంఘర్షణ మూవీలో వీరిద్దరూ తొలిసారి జోడి కట్టగా, సూపర్ హిట్ అయింది. తదుపరి మూవీ దేవాంతకుడులో కూడా కల్సి చేసారు. ఇది ఏవరేజ్ గా నిల్చింది. మూడో సినిమాగా మహానగరంలో మాయగాడు విజయబాపినీడు డైరెక్షన్ లో తెరకెక్కగా సరిగ్గా మూవీ ఆడలేదు.

అయితే తర్వాత క్రియేటివ్ కమర్షియల్స్ పతాకంపై తీసిన ఛాలెంజ్ మూవీ సంచలన విజయం సాధించింది. ఏ కోదండ రామిరెడ్డి డైరెక్ట్ చేసిన ఈ మూవీని కె ఎస్ రామారావు నిర్మించారు. చిరంజీవి పేరుతొ వీరిద్దరి కాంబో లో వచ్చిన మూవీ ప్లాప్ అయింది. దర్శకేంద్రుడు కె రాఘవేంద్రరావు డైరెక్షన్ లో విజయశాంతి ,రాధ లతో చిరంజీవి కల్సి నటించిన కొండవీటి రాజా సూపర్ హిట్ అయింది.

అయితే ధైర్యవంతుడు మూవీ, అలాగే రాఘవేంద్రరావు డైరెక్షన్ లో వచ్చిన చాణక్య శపధం అట్టర్ ప్లాప్ అయ్యాయి. అయితే కోదండరామిరెడ్డి డైరెక్షన్ లో విజయశాంతి కాంబోలో వచ్చిన పసివాడి ప్రాణం మూవీ బ్లాక్ బస్టర్ కొట్టడమే కాదు ,చిరంజీవి నెంబర్ వన్ హీరో అయ్యాడు. రవిరాజా పినిశెట్టి డైరెక్షన్ లో విజయశాంతి,రాధ లతో కల్సి చిరంజీవి నటించిన యముడికి మొగుడు సూపర్ డూపర్ హిట్ అయింది.

అయితే యుద్ధభూమి సినిమా డిజాస్టర్ అయింది. అయితే కోదండరామిరెడ్డి డైరెక్షన్ లో చిరు,విజయశాంతి జోడీగా నటించిన అత్తకు యముడు, అమ్మాయికి మొగుడు మూవీ సంచలన విజయాన్ని అందుకుంది. అయితే రాధా,విజయశాంతి లతో కల్సి చేసిన రుద్రనేత్ర డిజాస్టర్ అయింది. స్టువర్టుపురం పోలీస్ స్టేషన్ మూవీ అట్టర్ ప్లాప్ అయింది.

ఇక కె విశ్వనాధ్ డైరెక్షన్ లో వచ్చిన స్వయంకృషి మంచి విజయంతో పాటు ఉత్తమనటుడిగా నంది అవార్డు చిరంజీవి అందుకున్నాడు. విజయశాంతి ,సుహాసినీలతో కల్సి చిరు నటించిన మంచి దొంగ ఏవరేజ్ అయింది. ఇక విజయబాపినీడు డైరెక్షన్ లో వచ్చిన గ్యాంగ్ లీడర్ బ్లాక్ బస్టర్ అయింది. బి గోపాల్ డైరెక్షన్ లో అల్లు అరవింద్ తీసిన మెకానిక్ అల్లుడు మూవీ ప్లాప్ అయింది.

వీరిద్దరి కాంబోలో చివరి మూవీ ఇదే. అయితే మళ్ళీ వీరి కాంబోలో సినిమా వస్తోందంటూ ఫిలిం నగర్ లో వార్త చక్కర్లు కొడుతోంది. కొరటాల శివ డైరెక్షన్ లో చిరంజీవితో కల్సి విజయశాంతి నటిస్తున్నట్లు టాక్.