Childhood Pic:చిన్న వయసులోనే చనిపోయిన ఈ హీరోయిన్ ని గుర్తు పట్టారా…?

Tollywood heroine:సెలబ్రిటీల ఫోటోలు అది ఏదైనా సరే విపరీతంగా వైరల్ అవుతుంది. అందునా ఇప్పుడు లాక్ డౌన్ వేళ మరీను. ఇక తాజాగా ఒక హీరోయిన్ చిన్న నాటి ఫోటో వైరల్ అయింది. ఈ ఫోటోలో కనిపిస్తున్న చిన్నారి ప్రస్తుతం భౌతికంగా మన మధ్య లేదు కానీ ఆమె నటించిన సినిమాలు.. పోషించిన పాత్రలు.. ఆమె క్రేజ్ మాత్రం ఆమెను సజీవంగా ఉంచాయి.

ఈమె చనిపోయి చాలా ఏళ్ళవుతున్నా కూడా ఇంకా ఆమెకు అభిమానులు అలాగే ఉండిపోయారు. ఆమె లాంటి నటి మరొకరు రారు.. ఇంక లేరు అంటూ మన్ననలు అందుకుంటున్నారు ఈ నటి. అభినవ సావిత్రిగా అందరితో ప్రశంసల వర్షం కురిపించుకున్న ఈ అమ్మాయి ఎవరో కాదు సౌందర్య. లేడీ ఓరియెంటెడ్ సినిమాలే కాకుండా హీరోల పక్కన రొమాన్స్ చేయడంలోనూ దిట్ట గా సౌందర్య పేరుగాంచింది.

ముఖ్యంగా ఫ్యామిలీ ప్రేక్షకుల మనసు దోచిన హీరోయిన్ సౌందర్య గ్లామర్ రాజ్యమేలుతున్న సమయంలో కూడా అందాల ఆరబోతకు దూరంగా ఉంటూ, నెంబర్ వన్ స్టార్ గా ఎదిగింది. నేటి సావిత్రిగా అందరి మన్ననలు అందుకున్న ముద్దుగుమ్మ సౌందర్య 2004 ఎప్రిల్ 17 న హెలికాప్టర్ ప్రమాదంలో చనిపోయింది.

మనవరాలి పెళ్లి సినిమాతో తెలుగు ప్రేక్షకులకు పరిచయమైన సౌందర్య ఆ తర్వాత అమ్మోరు, పెదరాయుడు లాంటి ఎన్నో సినిమాలతో స్టార్ హీరోయిన్ గా ఎదిగింది. చిన్ననాడే ఆమె హీరోయిన్ అవుతుందని, పెద్ద స్టార్ అవుతుందని ఆమె నాన్న గ్రహించారు.

సౌందర్య తండ్రి నిర్మాతే కాదు.. జ్యోతిష్కుడు కూడా. పెళ్లి తర్వాత ఆమె జీవితంలో పెద్ద ప్రమాదం ఒకటి జరుగుతుందని ముందే ఊహించాడని కన్నడనాట చెప్తుంటారు. అదే నిజమైంది. సౌందర్య మనకు దూరమైంది. 20 ఏళ్ల కంటే ముందే ఇండస్ట్రీకి వచ్చిన సౌందర్య తక్కువ వయసులోనే ఎక్కువ స్టార్ డమ్ తెచ్చుకుంది.