Chiranjeevi Dupe: మూడు దశాబ్దాలకు పైగా చిరంజీవికి డూప్‌గా నటించిన వ్యక్తి ఎవరో తెలుసా…?
Megastar Chiranjeevi Dupe : మెగాస్టార్ చిరంజీవి గురించి ప్రత్యేకంగా చెప్పవలసిన అవసరం లేదు. ఈ సంవత్సరం సంక్రాంతి కానుకగా ‘వాల్తేరు వీరయ్య’ సినిమాతో బాక్సాఫీస్ దగ్గర మరోసారి తన స్టామినా ఏమిటో చెప్పకనే చెప్పాడు. అయితే ఈ మధ్య విడుదల అయినా ‘భోళా శంకర్’తో తన కెరీర్‌లోనే అతి పెద్ద డిజాస్టర్ అయింది.
టాలీవుడ్ లో హీరోలు రిస్క్ షాట్స్ చేసినప్పుడు కొన్ని జాగ్రత్తలను తీసుకుంటారు. అప్పటి ఎన్టీఆర్ నుంచి ఇప్పటి యంగ్ హీరోల వరకూ చాలామంది కొన్ని కీలక సన్నివేశాల్లో, మరీ ముఖ్యంగా రిస్క్ సన్నివేశాల్లో డూప్ లను వాడుతూ ఉంటారు. ఇక బాగ్ టు బాస్ అంటూ 9ఏళ్ళ విరామం తర్వాత మళ్ళీ ఇండస్ట్రీకి వచ్చి, 60ప్లస్ లో కూడా దుమ్మురేపుతూ వరుస సినిమాలతో బిజీగా మారిన మెగాస్టార్ చిరంజీవికి కూడా చాలా సినిమాల్లో డూప్ లను వాడారు.
ఇటీవల సోషల్ మీడియా విస్తృతి కారణంగా డూప్ ల గురించి తెలుస్తోంది. ఈ నేపథ్యంలో ప్రేమ్ కుమార్ అనే వ్యక్తి ఇటీవల ఓ షో లో ఇచ్చిన ఇంటర్యూలో మెగాస్టార్ కి తాను డూప్ గా చేసిన విషయాన్ని వెల్లడించడంతో అందరూ షాకయ్యారు. ఈటివి ఎంటర్టైన్ మెంట్ ఛానల్ లో శ్రీదేవి డ్రామా కంపెనీ పేరిట షో ప్రారంభించి ఆయా ప్రాంతాల్లో టాలెంట్ బయటకు తీస్తున్నారు.
ఇదే క్రమంలో పశ్చిమ గోదావరి జిల్లా పాలకొల్లు వెళ్లిన టీమ్ దగ్గరకు చిరంజీవి డూప్ వచ్చాడు. తన పేరు ప్రేమ్ కుమార్ అని, తనది మార్టేరు అని, మూడు దశాబ్దాలుగా చిరుకి డూప్ గా చేస్తున్నట్లు చెప్పాడు. అన్ని సినిమాలకు కాకుండా అవసరమైన వాటికే పిలుస్తారని తెల్పాడు. రికార్డింగ్ డాన్స్ ట్రూప్ కూడా తనకు ఉందని, అయితే రికార్డింగ్ డాన్స్ లంటే చిన్నచూపు ఉందని వాపోయాడు. ఇలాంటి షోస్ తో తమలాంటి వారికి గుర్తింపు లభిస్తుందన్నారు.