Yedu varala nagalu:పూర్వ కాలంలో ఏడు వారాల నగలు ఎందుకు ధరించేవారో తెలుసా?

Yedu varala nagalu:పూర్వ కాలంలో ఏడు వారాల నగలు ఎందుకు ధరించేవారో తెలుసా.. పూర్వ కాలం నుండి స్త్రీలు నగలకు ఎంత ప్రాధాన్యత ఇస్తున్నారో చూస్తూనే ఉన్నాం. స్త్రీలు రకరకాల ఆభరణాలు చేయించుకుంటూ నలుగురికి చూపించి ఆనందపడటం చేస్తూ ఉండటం సాధారణంగా జరుగుతుంది. అదే పుట్టింటి వారు చేయించినవి అయితే ఇక చెప్పాల్సిన అవసరం లేదు. వాటిని చాలా అపురూపంగా చూసుకుంటారు.అంతేకాక వంశపారంపర్యంగా వచ్చే ఏడు వారాల నగలను ఇంకా చాలా అపురూపంగా చూసుకుంటారు. పూర్వ కాలంలో తమ స్థాయిని చెప్పటానికి ఏడు వారాల నగలను ధరించేవారు.

మనకు వారంలో ఏడు రోజులుంటాయి. ఒక్కో వారానికి ఒక్కో గ్రహం అధిపతిగా ఉంటుంది. జ్యోతిష్య శాస్త్రం ప్రకారం ఒక్కో గ్రహం అనుకూలత కోసం ఒక్కో రకమైన రత్నాన్ని ధరించాల్సి ఉంటుంది. అందుకే వారంలోని ఏడురోజులపాటు ఏ రోజు ఏ రత్నం ధరించాలో ఆ ప్రకారం తయారు చేయించుకునేవే ఏడు వారాల నగలు. ఈ ప్రకారం ధరించడం వలన ఒక వారంలో అన్ని గ్రహాల అనుకూలతలు పొంది సుఖమయ జీవనం ఉంటుందని విశ్వాసం.

ప్రతి రోజు ధరించకపోయిన పర్వ దినాల్లో మాత్రం తప్పనిసరిగా ధరించేవారు.ఆదివారం రోజున ‘కెంపులు’… సోమవారం రోజున ‘ముత్యాలు’… మంగళవారం రోజున ‘పగడాలు’… బుధవారం రోజున ‘పచ్చలు’… గురువారం రోజున ‘పుష్యరాగాలు’…శుక్రవారం రోజున ‘వజ్రాలు’… శనివారం రోజున ‘నీలాలు’ స్త్రీలు ధరించే ఆభరణాల్లో వుండాలని మన పెద్దలు నియమం చేసారు.ఇలా ఏడు వారాల నగలను ధరించటం వెనక ఆరోగ్యపరమైన కారణాలు కూడా ఉన్నాయి. ఈ క్రమంలో ఏడువారాల నగలు ధరించడం వలన ఆయురారోగ్యాలు పెరుగుతాయనీ … సంతాన సౌభాగ్యాలు నిలుస్తాయని స్త్రీల నమ్మకం. అంతేకాక ఆయా గ్రహాల అనుగ్రహం కూడా ఉంటుందని విశ్వసిస్తారు.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
https://shorturl.at/ftM6u

Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x

Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ