కలబంద ఎన్ని చర్మ సమస్యలకు పరిష్కారం చూపుతుందో తెలుసా ?

1. వృద్ధాప్య అకాల సంకేతాలను నిరోధిస్తుంది
వయస్సుతో పాటుగా లైన్స్ మరియు ముడతలు పెరుగుతూ ఉంటాయి. అయితే ఇతర కారణాల వలన కూడా ఈ సహజ ప్రక్రియ వేగవంతం అవుతుంది. కలబంద వృద్ధాప్య అకాల సంకేతాలను నిరోధిస్తుంది.

ఎలా ఉపయోగించాలి?
కలబంద, ఆలివ్ నూనె మరియు వోట్మీల్ కలిగిన ఈ ప్యాక్ చర్మాన్ని సున్నితంగా, మృదువుగా మరియు తేమగా ఉంచుతుంది.

కావలసినవి

కలబంద – 1 స్పూన్
ఆలివ్ నూనె – ½ స్పూన్
వోట్మీల్ – 1 స్పూన్

పద్దతి
* ఒక బౌల్ లో కలబంద, ఆలివ్ నూనె, వోట్మిల్ వేసి బాగా కలపాలి.
* ఈ పేస్ట్ ని ముఖానికి రాయాలి.
* అరగంట అయ్యాక ముఖాన్ని చల్లని నీటితో శుభ్రం చేసుకోవాలి.

ఎలా పనిచేస్తుంది?
కాలక్రమేణా, చర్మం ఎండిపోయి మరియు దాని స్థితిస్థాపకతను కోల్పోతుంది. దాంతో ముడతలు మరియు లైన్స్ రావటానికి కారణం అవుతుంది. కలబంద చర్మాన్ని హైడ్రేడ్ గా ఉంచి మృత కణాలను తొలగిస్తుంది. నిజానికి, ఒక పరిశోధనలో కలబంద చర్మం యొక్క స్థితిస్థాపకతను మెరుగుపరచి మృదువైన మరియు మరింత సౌకర్యవంతముగా చేస్తుందని తెలిసింది.

2. చర్మాన్ని హైడ్రేడ్ గా ఉంచుతుంది
కలబంద మాయిశ్చరైజర్ గా కూడా పనిచేస్తుంది. జిడ్డు చర్మం మరియు మొటిమల మీద అద్భుతమైన ప్రభావాన్ని చూపుతుంది.

ఎలా ఉపయోగించాలి?
కలబంద మొక్క నుండి నేరుగా తీసిన జెల్ ని చర్మానికి రాయవచ్చు. అలాగే మార్కెట్ లో కూడా కలబంద జెల్స్ అందుబాటులో ఉన్నాయి. అయితే మార్కెట్ లో కొన్న కలబంద జెల్ లో 90 నుంచి 100 శాతం కలబంద ఉండేలా చూసుకోవాలి.

కావలసినవి
కలబంద ఆకు

పద్దతి
* కలబంద ఆకు యొక్క బాహ్య పొరను తొలగించి జెల్ ని తీయాలి.
* ఈ జెల్ ని ఒక కంటైనర్ లో ఉంచాలి.
* చర్మం మీద ఈ జెల్ తో సున్నితంగా మసాజ్ చేయాలి. మిగిలిన జెల్ ని రిఫ్రిజిరేటర్ లో నిల్వ ఉంచుకోవచ్చు.

ఎలా పనిచేస్తుంది?
కలబందలో ఉండే నీటి శాతం చర్మంలో జిడ్డును తొలగించి హైడ్రేడ్ గా ఉంచుతుంది.

3. మొటిమలను తగ్గిస్తుంది
మొటిమలు మరియు మచ్చలను తొలగించటంలో చాలా అద్భుతాలను చేస్తుంది.

ఎలా ఉపయోగించాలి?
కలబందలో కొన్ని చుక్కల నిమ్మరసం కలపాలి. కలబంద మొటిమలను తగ్గించటానికి సహాయపడుతుంది. నిమ్మరసం మచ్చలను తగ్గించటంలో సహాయపడుతుంది.

కావలసినవి
కలబంద జెల్ – 1 స్పూన్
నిమ్మరసం – 3 చుక్కలు

పద్దతి
* కలబంద జెల్ లో నిమ్మరసం కలపాలి.
* ఈ జెల్ ని ముఖానికి రాసి మసాజ్ చేయాలి. ఈ చికిత్సను రాత్రి సమయంలో చేస్తే ప్రభావవంతంగా పనిచేస్తుంది.

ఎలా పనిచేస్తుంది?
కలబంద యాంటీ బాక్టీరియల్ మరియు శోథ నిరోధక ఏజెంట్ గా పనిచేయుట వలన మోటిమలను తగ్గించేందుకు సహాయపడుతుంది. అంతేకాక పాలీసాకరైడ్స్ ఉండుట వలన కొత్త కణాల పెరుగుదల ఉద్దీపనకు సహాయపడుతుంది. మోటిమలను నయం చేసే ప్రక్రియను వేగవంతం చేయటం మరియు మచ్చలను నిరోధిస్తుంది.

4. సన్ బర్న్ తగ్గిస్తుంది
కలబంద సూర్యుని వలన కలిగిన వేడి మరియు వాపును తగ్గించటంలో సహాయపడుతుంది.

ఎలా ఉపయోగించాలి?
కలబంద జెల్ ని బర్న్ ప్రాంతానికి నేరుగా రాయవచ్చు.

ఎలా పనిచేస్తుంది?
కలబందలో యాంటీ శోథక లక్షణాలు ఉండుట వలన UV కిరణాల వలన వచ్చే ఎరుపుదనాన్నితగ్గిస్తుంది.

5. బాహ్య గాయాలు మరియు కీటకాల గాట్లు
ఎలా పనిచేస్తుంది?
కలబందలో యాంటీ ఇన్ఫ్లమేటరీ లక్షణాలు ఉండుట వలన గాయాలు మరియు కీటకాల గాట్లకు వ్యతిరేకంగా సమర్ధవంతంగా పోరాటం చేస్తుంది.

ఎలా ఉపయోగించాలి?
కలబందను చిన్న చిన్న గాయాలు,కోతలు, గాట్ల చికిత్సలో ఉపయోగించవచ్చు. చికాకుగా ఉన్న చర్మాన్ని ప్రశాంతపరుస్తుంది.