kitchen Hacks:వంటింటిలో ఉపయోగపడే కొన్ని సులభమైన వంటింటి చిట్కాలు

Telugu Kitchen Tips and tricks: వంటింటిలో కొన్ని చిట్కాలను ఫాలో అయితే చేసే పని సులువుగా అవ్వటమే కాకుండా సమయం కూడా ఆదా అవుతుంది. ఇప్పుడు చెప్పే చిట్కాలు చాలా బాగా సహాయపడతాయి.

బియ్యంలో మట్టిగడ్డలు ఎక్కువగా వుంటే చారెడు ఉప్పు వేసి పది నిమిషాలు నాననిస్తే మట్టి గడ్డలు నీళ్ళలో కరిగి పోతాయి.

కాయగూరల్ని ముందుగా నీటిలో శుభ్రంగా కడిగి ఆ తరువాత తరగాలి. తరిగిన తర్వాత కడగకూడదు.

కూరగాయముక్కల్ని పసుపు కలిపిన నీటిలో వుంచితే ఏమైనా క్రిములు వుంటే అవి పైకి తేలిపోతాయి.

నిమ్మకాయల్ని నేలమీద పెట్టి అరచేత్తో అదిమి అటు ఇటు త్రిప్పి ఆ తర్వాత కోస్తే రనం కొంచెం ఎక్కువగా వస్తుంది.

ఫ్రిజ్ లోంచి తీసిన నిమ్మకాయ గది ఉష్ణోగ్రతకి చేరిన తర్వాతనే కోయాలి. లేకుంటే రసం తక్కువగా వస్తుంది.

పగిలిన గ్రుడ్డును కొంచెం వెనగర్ కలిపిన నీళ్ళలో ఉడకబెడితే లోపలిద్రవం బయటికి రాకుండా బాగా ఉడుకుతుంది.

గ్రుడ్లను ఉప్పు నీటిలో ఉడక బెట్టి వెంటనే చన్నీళ్ళలో ఉంచితే పై పెంకు ఒలవడం తేలికవుతుంది.

కోడిగ్రుడ్డును అల్యూమినియం లేదా వెండి పాత్రలలో పగులగొడితే అందులోని సల్ఫర్ కారణంగా పాత్రలు నల్లబడతాయి.

గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు.