మూత్రపిండాలు మన శరీరంలో కీలకమైన అవయవాలు.
అవి రక్తాన్ని శుద్ధి చేయడం, వ్యర్థాలను బయటికి పంపడం, నీటి మరియు లవణాల సంతులనం కాపాడడం వంటి ముఖ్యమైన పనులు చేస్తాయి.
తగిన ఆహారపు అలవాట్లు పాటించడం ద్వారా మూత్రపిండాల ఆరోగ్యం మెరుగుపరుచుకోవచ్చు.
కొన్ని పండ్లు మూత్రపిండాలకు మేలు చేస్తాయని పరిశోధనలు సూచిస్తున్నాయి.
ఆపిల్స్‌ లో పెక్టిన్ అనే ఫైబర్ ఉంటుంది. ఇది మూత్రపిండాల పనితీరు మెరుగవడంలో కీలక పాత్ర పోషిస్తాయి.
బ్లూబెర్రీలు యాంటీఆక్సిడెంట్లు, విటమిన్ C, మరియు ఫ్లేవనాయిడ్లలో సమృద్ధిగా ఉంటాయి. ఇవి మూత్రపిండాల కణజాలాన్ని దెబ్బతినకుండా కాపాడుతాయి. మూత్రపిండాలపై ఒత్తిడిని తగ్గించడంలో ఎంతో ఉపయుక్తంగా ఉంటాయి.
క్రాన్బెర్రీలను ప్రధానంగా మూత్రపిండాల ఇన్ఫెక్షన్లకు నివారణగా ఉపయోగిస్తారు. ఇవి శరీరంలోని బ్యాక్టీరియా వృద్ధిని తగ్గించి, మూత్ర నాళాలలో పుట్టే ఇన్ఫెక్షన్లను తగ్గిస్తాయి.
దానిమ్మలో యాంటీఆక్సిడెంట్లు పుష్కలంగా ఉంటాయి. ఇవి మూత్రపిండాలను ఫ్రీ రాడికల్స్ నుండి రక్షిస్తాయి. దానిమ్మ రసం మూత్రపిండాల్లో రాళ్లు ఏర్పడకుండా నివారిస్తుంది.
సిట్రస్ పండ్లలో విటమిన్ సి సమృద్ధిగా ఉంటుంది. ఇది మూత్రపిండాల్లో రాళ్లు ఏర్పడకుండా నిరోధిస్తుంది మరియు రోగనిరోధక శక్తిని పెంచుతుంది.
పుచ్చకాయలో నీటి శాతం ఎక్కువ. ఇది మూత్రపిండాలను శుభ్రపరచడానికి మరియు డీహైడ్రేషన్‌ను నివారించడానికి సహాయపడుతుంది.